La Voz de Galica

Os crucenses envórcanse na causa a favor de Paula

Onte celebrouse un mercadillo solidario na lonxa e a próxima semana haberá un festival para recadar fondos

A pesar de ser sábado, onte, a lonxa de Cabo de Cruz funcionou a pleno rendemento, aínda que nesta ocasión non se poxou marisco, senón que o bivalvo foi substituído no recinto por roupa, complementos, doces, xoguetes, libros e obxectos de todo tipo nunha iniciativa solidaria organizada pola APA Loureda do colexio do Castro. A pequena Paula, a nena de Boiro que naceu sen sacro e está a ser tratada en Alemaña, foi obxecto, unha vez máis, do acto benéfico, no que os veciños da localidade envorcáronse.

Durante toda a tarde produciuse un movemento continuo de persoas entrando e saíndo da lonxa, cedida para a ocasión pola confraría crucense.

Esta iniciativa solidaria terá continuidade a próxima semana cun festival que estará protagonizado por uns setenta escolares do colexio do Castro e no que colaborarán diferentes colectivos. As actuacións comezarán ás 18.00 horas no centro social de Cabo de Cruz e o prezo da entrada será de 1 euro. Ademais, venderanse rifas e recolleranse donativos.

MERCADILLO DE AXUDA A PAULA

O sábado 3 de decembro as 16:30h. dará comenzo o mercadillo benéfico da APA Loureda na lonxa de Cabo de Cruz. Esperamos que todos/as colaboredes aportando algunha cousa nova ou seminova e mercando algún producto dos que poñemos a venda.

Adiántovos que xa recibimos moitas cousas e a maioría son novas coma: roupa, abalorios, material escolar, libros, zapatos, tapetes de ganchillo feitos de xeito artesanal, e moitas cousas mais. Vinde e colaborade na recuperación da pequena Paula.

Aproveitamos para darlle o noso agradecemento á todos os membros que integran a Cofradía de Cabo de Cruz, e en especial a Carmelo Vidal, pola súa colaboración desinteresada nesta actividade, así como a todas aquelas veciñas que fixeron as súas donacións e colaboran con nos.

Moitas gracias a todos.

MAGOSTO 2011

SAMAIN - CABAZAS 2011

Coma sabedes, este mes celebrouse o Samaín no colexio STª Mª do Castro.
A APA organizou o III Certame de CABAZAS APA Loureda – Samaín 2011. Pois ben, os gañadores foron os seguintes:

INFANTIL
3ANOS: ZOE FIGUEIRA
4ANOS: LUCIA FIGUEIRA
5 ANOS: CARLOS TORRADO – MENCIÓN PARA XIANA F. PÉREZ

PRIMARIA
MARTÍN MUÑIZ – 1º CICLO
ALBA DOMÍNGUEZ – 2º CICLO
ADRIANA DIEGUEZ – 3º CICLO
A entrega dos premios terá lugar o día da celebración do Magosto que está previsto para o 5 de novembro.
Podedes ollar as obras realizadas por tod@s @s participantes na porta do Colexio ata que estas queden inservibles.
OS NOSOS PARABENS A TODO@S @S ALUMN@S PARTICIPANTES NO III CERTAME A.P.A. LOUREDA

ACTIVIDADE CULTURAL DE OUTUBRO A NOVEMBRO

v Magosto;
Nesta ocasión a APA Loureda levará a cabo a celebración do Magosto xunto cá Asoc. de Veciños A Unión. O programa destinado os socios de ambas entidades, inclúe xogos populares (cuxos monitores serán os pais e nais socios da APA), entrega de premios do Samahín e a degustación das castañas. A actividade levarase a cabo nas canchas e si chove na lonxa e terá lugar o sábado 5 de novembro a partir das 17:00h.

v Mercadillo de Nadal Benéfico;
O sábado 3 de decembro do 2011 a partires das 16:00h. levarase a cabo un mercádello de segunda e primeira man. Poñeranse a venda xoguetes, roupa, antiguedades, etc., co fin de recadar cartos para a pequena Paula. O lugar elixido será as canchas do parque e se chove a lonxa de Cabo de Cruz, estando aberto a todo o mundo. Todos aqueles que queirades poñer un posto debedes notificalo antes do día 2 de decembro.

v Obradoiro de Nadal;
Xa comezaron os ensaios das artes escénicas e musicais por parte dos pais e nenos da APA. Os cativos e monitores comezaron a ensaiar os seus números para logo representalos o sábado 10 de decembro no auditorio do Centro Social de Cabo de Cruz ás 18:00h. A parte dos rapaces inscritos no obradoiro, participarán o grupo de teatro da APA dirixido por Marta Riós, e o grupo de baile da APA dirixido pola escola de Baile O Tomasón. Así mesmo está previsto que colaboren outros grupos e particulares, convidados pola APA para tal ocasión, como é o caso, por exemplo do grupo de Pandereiteiras de Cabo de Cruz.
Nesta ocasión, a APA Loureda, decidiu que o sábado 10, as portas do auditorio estarán abertas a todo o mundo que queira ver o Festival, e cobrará 1€ a entrada. Os cartos que se recaden serán igualmente para a pequena Paula

v A parte destas actividades, seguen abertas as listas de teatro, baile, informática, ..., actividades que a APA oferta co fin de facilitar a conciliación da vida familiar e laboral dos pais/nais do centro. O respecto mencionar que á APA lle foi aprobada unha subvención da Xunta de Galicia – Fondo Social Europeo para este curso, para sufragar parte dos gastos destas actividades extraescolares.

III CONCURSO APA LOUREDA - O SAMAÍN

III CONCURSO DE CABAZAS - APA LOUREDA

RESULTADOS DA 1ª ASAMBREA XERAL DE SOCIOS 11-12

Estimados pais e nais:
Cá presente informase que na Asemblea Xeral de socios do curso 2011-2012 acordáronse e aprobáronse os seguintes puntos:
. Que os pais e nais socios da APA Loureda levarán a cabo novas actividades extra escolares (festival de Nadal, Magosto, Entroido, etc.) e que se comprometen a colaborar para tal fin.
. Que estas actividades ou parte delas serán única e exclusivamente para socios.
. Que se remitirá a Xunta de Galicia un escrito, ben colectivo – de todas as ANPAS do Concello de Boiro- ou ben individual, amosando a nosa desconformidade ante a reducción de presupostos e equipo docente e ante os beneficios dos centros concertados fronte os da ensinanza pública. Así mesmo proporase que as actividades antes mencionadas sexan incluídas de xeito obrigatorio nos calendarios escolares oficiais.
Se están interesados en participar nestas e outras actividades deben apuntarse na conserxería do colexio (Joaquín) ou ben no C. Social de Cabo (de 09:00 a 14:00h Pitusa).
Así mesmo infórmase que o día 14 as 18:00h. teremos unha nova xuntanza para informar do acontecido na reunión de AMPAS do Concello de Boiro que se celebrará o día 14 deste mes e perfilaremos o programa cultural para estes meses.

ATENTAMENTE A DIRECTIVA

ACLARACIÓN

A actividade de Teatro posiblemente a teñamos que trasladar os luns a partir das 17:15h. En breve comunicaremos o día e hora fixos na cal se impartirá esata actividade extraescolar

XUNTANZA DE PAIS DE ALUMNOS

O vindeiro sábado 24 de setembro as 19:00h no Centro Social de Cabo de Cruz levarase a cabo unha Asemblea, non de socios, senón que se convocará a todos os/as pais/nais e titores/as dos cativos matriculados no Centro para tratar temas de gran interese (anulación de actividades complementarias; cambios no sistema de actuación da Asociación, informe da reunión de APAS en canto a delimitación de zonas, banco de libros, falta de profesorado, etc.), o día desta reunión acordarase a data da Asemblea Xeral de Socios. Indicar que debido a que consideramos que os temas a tratar son de gran interese a reunión convócase o sábado para que non se de un gran impedimento de asistencia. En breve mandarémosvos a orden do día.

Pola presente convócase a tódolos os pais/nais do Centro STª Mª do Castro. á 1ª ASEMBLEA XERAL DE PAIS DE ALUMNOS do curso 2011-2012, que se celebrará o vindeiro SÁBADO 24 DE SETEMBRO DO 2011, nas dependencias do Centro Social de Cabo de Cruz, as 19:00h. en primeira convocatoria e as 19:15h en segunda convocatoria, terá lugar a Asemblea Xeral deste curso 2011-2012 ca seguinte orde do día:

Ø Informes da Presidenta.
.. Lei da limitación de zonas
.. Banco de Libros
.. Cambio na actividade e recursos escolares:
.. Actividade escolar complementaria cancelada neste curso
.. Recorte de presupostos
.. Recorte de profesorado: con praza e substitucións.
.. Medidas a acordar e acordadas para arranxar o problema – propostas-.
Ø Propostas para o próximo curso escolar.
.. Actividade complementaria a levar a cabo.
.. Cambio en canto a beneficiarios non sociosRogos e preguntas.

PRAZO DE INSCRIPCION DE SOCIOS

Infórmase que o prazo de inscripción para facerse socio da APA Loureda xa está aberto. A cota é de 25€ que deben aboar na conserxería (Xocas) entregando o impreso cos datos persoais. O prazo remata o 31 do outubro.

CALENDARIO ESCOLAR CURSO 2010-2012

O calendario escolar previsto para este curso é o seguinte:

- CLASES:

. Do 12 de setembro do 2011 ó 22 de xuño do 2012

-VACACIÓNS:

. Nadal, do 22 de decembro ó 8 de xaneiro (ambos inclusives)

. Antroido, 20, 21 e 22 de febreiro

. Semana Santa, do 2 ó 9 de abril (ambos inclusives).

- DIAS NON LECTIVOS:

. Día do Ensino, 31 de outubro

. Festivo Local, 13 de decembro (STª Lucía)

. Día solicitado á Delegación, 18 de maio.

-HORARIO ESCOLAR:

. Mañás, de 09:00 a 13:30 h.
. Tardes, de 16:00 a 17:15 h. (luns e mércores)

- ATENCIÓN A PAIS/NAIS:

. DE 17:15 a 18:15 os mércores.

- ALMORZOS SAUDABLES:

. Infantil 4 anos, 1º e 5º de primaria ó 4 de outubro
. Infantil 3 anos e 6º de primaria ó 5 de outubro
. Infantil 5 anos e 3º de primaria ó 6 de outubro
. 2º e 4º de primaria ó 7 de outubro
(Participación voluntaria. Os que participen deben levar unha taza e unha culler)

- ACTIVIDADES EXTRAESCOLARES DA APA:

. Teatro, martes de 16:00 a 17:00 h.
. Manualidades, xoves de 16:00 a 17:00 h
. Baile, xoves de 17:00 a 18:00 h.
. Informática, venres de 16:00 a 17:00 h.

NOVO CURSO ESCOLAR 2011-2012

Dende a APA Loureda queremos saudarvos e os novos alumnos darlle a benvida.

Xa sabedes que o curso comenza o día 12 de setembro e ata o final do mesmo esperamos que as cousas se nos den ben a todos.

A Directiva, un ano máis, pensa levar a cabo novas actividades, esperando que toda a Comunidade Escolar participe, non so delas, senón aportando ideas e suxerencias. Para tal fin convidamos a todos os pais e nais a que vos fagades socios dado que cantos máis seamos, máis forza teremos coma Entidade ante calquera adversidade que poda xurdir.

Uns días despois do día 12, enviarémosvos, as novas para este curso; e que decirvos, que estamos a vosa disposición.

Un saúdo A Directiva

SAIDA NOCTURNA

O pasado venres 24 de xuño tivo lugar a saída nocturna que complementaba a charla dada no cole, e que tiña como finalidade a iniciación na observación e identificación de constelacións, así como aprender a orientarse pola estrela Polar. NESTA ACTIVIDADE COLABOROU A DEPUTACIÓN DA CORUÑA.

Ademáis da colaboura desinteresada de Pablo Vidal, quén instalou dous telescopios de potente alcance e moi boa calidade de resolución, presentouse no lugar con outro telescopio, outro veciño de Cabo de Cruz e tamén exalumno do colexio do Castro, Johnny Dieste.

Os presentes puderon observar varias nebulosas e cúmulos de estrelas, pero sin duda o que que todos lembrarán, será o planeta Saturno.

Desde a APA LOUREDA agradecemos a numerosa asistencia, así como a colaboración de Pablo e Johnny.

A continuación podemos ver algúnhas fotos do evento:

FOTOS IV ROMARÍA DE SOCIOS DA APA LOUREDA

LUGAR DA SAÍDA NOCTURNA

METEREOLÓXICAMENTE NON FOI POSIBLE SAIR O DIA PREVISTO E QUEDOU APRAZADO PARA O VINDEIRO VENRES 24 DE XUÑO NA ESPLANADA QUE HAI ENTRE AS PRAIS DE CARRAGUEIROS E A RETORTA.

OBRADOIRO DE ESTRELAS

A) CONFERENCIA
A A.P.A., en colaboración ca Dirección do Centro, decidiu impartir o xoves, 16 de xuño as 12:15h. no C. STª Mª do Castro unha charla- conferencia para todo o alumnado do Centro sobre introducción á Astronomía: As estrelas e os planetas.
B) SAIDA NOCTURNA:
O venres 17 terá lugar a parte práctica: efectuarase unha saída nocturna para ver as estrealas e poñer en práctica o escoitado na conferencia e entregarase material práctico ós asistentes.
Nesta ocasión, a actividade está dirixida tanto para pais/nais coma para os rapaces. O custe da actividade é de 2€ por persoa para os NON SOCIOS e gratuíto para Socios. Se queren participar na actividade deben apuntarse na conserxería do Centro (data límite xoves 16 as 13:00h) e os non socios facer efectivo o pago no momento de apuntarse. O día da charla dirase a hora e punto de encontro da saída.
IMPORTANTE: os menores deben vir acompañados dun adulto que non necesariamente teñen porque participar no obradoiro.

VIDEO DA VERDADEIRA HISTORIA DE CARAPUCHIÑA VERMELLA

FOTOS CARAPUCHIÑA

IV ROMARIA DE SOCIOS APA LOUREDA

Estimad@s Soci@s:

Informámoslles que o SÁBADO, 18 DE XUÑO DO 2011 na área recreativa de SAN RAMÓN DE BEALO, terá lugar a festa dos socios: “IV Romaría de Socios APA Loureda”.

Poderán asistir a romaría os socios, os fillos de socios matriculados durante este curso 2010-2011 no colexio STª Mª do Castro e os parentes en primeiro grado (pais e fillos; ou sexa, os irmáns e avós dos nenos matriculados no centro que sexan socios).
Todos os que queirades asistir a romaría debédevos de inscribir na conserxería do colexio antes do 16 de xuño do 2011.

Así mesmo desde a directiva da APA acordouse o seguinte:
· Que os nenos socios terán subvencionado pola APA o cento por cento do importe do menú; ou sexa, será gratis para os nenos socios, os cales deben inscribirse e retirar o seu bono comida. Os bonos dos nenos deben ser retirados por un adulto.
· Que dous familiares directos dos nenos socios (sexan pai e nai ou nai e irmá, dous avós, etc.) terán subvencionado 3€ do custo total do menú, tendo que aboar eles o resto do importe (14€)
· Os demais familiares, en primeiro grado, dos socios que queiran asistir á Romaría, poden gozar e participar do programa elaborado e teñen a opción a reservar o menú pero sufragando o cento por cento do mesmo (17€).

· En calquera dos casos, no momento da reserva do menú, deben facelo efectivo e entregaráselles o bono comida que será trocado o día da romaría.
Ante a perda do bono comida a APA non se fai responsable e non se repartirá o menú a aquelas persoas que non entreguen o bono. “Gardádeo ben”.

· O custo do menú é de 17€ por persoa, ven pratado e inclúe:
Ración de: .. empanada de atún
.. tortilla española
.. churrasco de porco
.. pan e bebidas (auga, refrescos e viño)
.. Prostre (flan)
.. café e chupito (só adultos)
.. inclúense cubertos, vaso e servilleta.

· Todos aqueles socios que non queiran menú, poden levar a comida da casa, pero en todo caso, deben inscribirse igualmente por mor da organización das actividades programadas para ese día.

Os que non sodes socios se queredes asistir a festa, só tendes que facervos socios pagando a cota de 20€ anuais na conserxería do colexio.

Ante calquera dúbida ou suxerencia que teñan que facernos para o bo facer e benestar d@s nen@s indicarlles que estamos a súa disposición.

NOTAS INFORMATIVAS

*Recordade que a partir do día 1 de xuño e ata o remate do curso o día 22 de xuño as clases impartiranse só en horario de mañá.

*Aproveitamos para informarvos que en breve enviaremos os programas da IV Romaría de Socios APA Loureda.

* A dirección e equipo de profesores do Centro ten programada unha excursión para o día 21 de xuño, se o tempo o permite, na cal a APA colabora sufragando parte dos gastos cunha aportación de 200€. Non vos demoredes en apuntar @s cativos/as e nos esquezades asinar a autorización.

II ASEMBLEA XERAL ORDINARIA DE SOCIOS

Pola presente convócase a tódolos socios/as da A.P.A. a segunda ASEMBLEA XERAL ORDINARIA do curso 2010-2011, que se celebrará o vindeiro mércores, día oito de xuño (8/06/11), ás 19:15 horas en primeira convocatoria e as 19:30 horas en segunda convocatoria na Biblioteca do Colexio, coa seguinte orde do día.

1. Aprobación da acta anterior
2. Informes da Presidenta:
Ø Contabilidade ingresos e gastos ata o momento
Ø Subvencións tramitadas.
Ø Actividade cultural levada a cabo e por rematar (IV romaría)
Ø Partes de incidencias tramitados
3. Rogos e preguntas.

REPRESENTACIÓN TEATRAL: "CARAPUCHIÑA VERMELLA"

O día 30 de maio ás 16:30h. terá lugar no Centro STª Mª do Castro a actuación do grupo de teatro da APA Loureda. A obra é dirixida por Marta Rios, e o elenco de actores e actrices está formado por: Miguel Lomba, Samuel Places, Pablo Ozores, Marta Ozores, Clara Muñiz, Antía Vidal, Marta Armental, Salomé Iglesias, Adriana Diéguez e Tania Vidal.

Dende a directiva da APA convidamos a todos os familiares e nenos da comunidade escolar do C. STª Mª do Castro a pasar un rato entretido ca representación dunha versión moi orixinal de Caperuchiña Caperuciña Vermella.

A PROFE DE TEATRO "MARTA RIOS" PREMIADA

O 23 de marzo tivo lugar no Teatro Rosalía de Castro a Gala de XV Premios Maria Casares, algo así coma os Max pero en versión galega. Pois ben, entre as nominadas a mellor actriz secundaria estaban: Dorotea Bárcena, por “Un cranio Furado”; Iolanda Muíños, por “A Nona” e Marta Ríos, por “Volpone”. A agradable sorpresa, para todos nos foi, que o premio, recaeu nas mans de Marta Ríos. Dende a APA queremos darlle a nosa noraboa e decirlle que estamos dobremente orgullos: por ser a nosa directora de teatro e porque Boiro ten unha actriz indiscutible.

Cando alguen é tenaz, constante, profesional e por riba lle gusta o que fai, non é imposible chegar o máis alto da súa carreira e este e o camiño que parece que segue Marta, polo que so nos queda desesarlle os nosos parabens e que siga cosechando grandes premios o longo da súa carreira teatral.

¡XA TEMOS GAÑADORA!

O boleto premiado ca cea de San Valentín que sorteaba a A.P.A. Loureda, ca colaboración do Restaurante Casa Isolina, caeo nas mans de Rosa Mª Romero, a cal en breve disfrutará da cea, có seu esposo Carlos Triñanes. Enhoraboa.

CAMIÑO ARRANXADO

Tal coma publicamos con anterioridade sobre o arranxo do pavillón, informar que a obra xa está feita. Podedes ollar nas imaxes os arranxos que fixeron.
Como xa vos dixemos en outra ocasión "pouquiño a pouquiño faise o camiño", co cal, de agora en diante, o noso próximo obxetivo será poñer unha marquesina enriba dese camiño. A cousa irá para longo, pero... o non xa o temos na man.

RESULTADOS DO SONDEO DE INTERESE SOBRE O USO DO UNIFORME ESCOLAR

A vista do análise das enquisas, os resultados obtidos foron os seguintes:

DATOS DE PARTICIPACIÓN:
- Nº de enquisas enviadas = 156
- Nº de participantes = 111
- Non participaron= 45

PORCENTAXES DE PARTICIPACIÓN:
- Participaron o 71%
-Non participaron o 29%

RESULTADOS:
- ¿Está vostede de acordo co uso do unif. escolar? SI= 48 NON= 54 INDIFERENTE= 9
- ¿Respetaría a decisión da maioría? SI= 56 NON=40 INDIFERENTE= 15

PORCENTAXE DOS RESULTADOS:
- ¿Está vostede de acordo co uso do unif. escolar? SI= 43% NON= 49% INDIFERENTE= 8%
- ¿Respetaría a decisión da maioría? SI= 50% NON= 36% INDIFERENTE= 14%

ESTIMADOS PAIS/NAIS:

Ante os resultados obtidos, indicarlle que si teñen algunha pregunta que facer, a directiva da APA está a súa disposición.

Iguaalmente, si algún/a pai/nai ten algunha dúbida ou reserva sobre os resultados obtidos, indicarlles que teñen a súa disposición, durante un prazo dun mes a partires deste anuncio, as enquisas recibidas para o seu análise. En todo caso, deben solicitalo con un día de antelación, coma mínimo, para unha mellor coordinación.

Nº PREMIADO DA CEA DE SAN VALENTÍN

O/A gañador/a da cea de San Valentín, debe poñerse en contacto ca presidenta da APA ou ben co conserxe do centro o antes posible. Recorde que ten un prazo dun mes para reclamar o premio.

MOI IMPORTANTE:A tódalas persoas que colaboraron ca APA decirlles que non tiren ás súas rifas dado que de non ser reclamado o premio no prazo establecido, farase un novo sorteo.

A todos moitas gracias por colaborar .

SORTEO DUN LOTE DE PRODUCTOS ENTROIDO 2011

O alumnado de 5º e 6º do CEIP STA. Mª DO CASTRO, pon a venta rifas para o sorteo dun lote de productos típicos do entroido, para a axuda da VIAXE DE FIN DE CURSO.

O sorteo farase no colexio, o día 3 de marzo do 2011 ás 12:00 horas na Secretaría do Centro.

¡COLABORADE COS NENOS!

ARRANXO DO CAMIÑO DO PAVILLÓN

Temos boas novas. Fai uns meses, dende a directiva da APA mantívose conversa co Concelleiro de Ensino, Mariano Muñiz, ó cal se solicitou o arranxo do camiño interior que vai dende o colexio ó pavillón, así mesmo, tamén se lle pideu que arranxara a entrada do cole pequeno onde existe un desnivel, baixo a marquesina, que normalmente empoza. O Concelleiro, no seu momento, interesouse polo tema indicando que iba tratar de facer esos arranxos a pesares de que era moi mal momento - a crise, xa sabedes-

Pois ben, o Concelleiro cumpleu connosco unha vez máis, e a través dunha subvención da Deputación, nuns días comenzarán as obras para arranxar o camiño e o desnivel.

Dende a APA Loureda o noso agradecemento o Concelleiro de Ensino, o sr. Mariano Muñiz por atender as nosas peticións.

CEA ROMÁNTICA DE SAN VALENTÍN

Para celebrar o San Valentín e recadar fondos para a programación cultural deste curso, a APA Loureda pon a venda rifas por valor dun euro cada boleto; o premio unha cea de San Valentín. O premio, un bono gastronómico, consistente nun menú degustación para dúas persoas no Restaurante Casa Isolina de Taragoña o cal colabora ca APA para esta ocasión.

O boleto gañador será o que coincida cas tres últimas cifras do sorteo do Cupón da Once do 14 de febreiro do 2011.

O gañador do sorteo deberá canxear o boleto premiado polo bono gastronómico, antes dun mes, na conserxería do centro. Para mellor delixencia o gañador debería chamar antes e indicar cando recollerá o premio.

Colabora ca APA e celebra o San Valentín cunha agradable cea.

O CARNÉ DESTE ANO XA TEN DESEÑO

Si xa fixestes efectiva a cota deste ano, en breve recibirás o teu carne de socio. Este ano, leva unha foto da xornada de convivencia efectuada en San Ramón o pasado mes de Xuño do 2010.

Si aínda non eres socio, esperamos que non esperes máis e des ese paso tan importante, para contribuir ó traballo de apoio dos pais, para tratar de axudar a un bo funcionamento do colexio dos teus fillos.